वृत्तसंस्था / नवी दिल्ली
मलेशियातील कौलालंपूर येथील यूएम अरेना स्टेडियमवर झालेल्या बंद दरवाजच्या मैत्रीपूर्ण सामन्यात भारतीय अंडर 23 पुरुष संघाला इराक अंडर 23 संघाविरुद्ध 1-2 असा पराभव पत्करावा लागला, असे ऑल इंडिया फुटबॉल फेडरेशनच्या (एआयएफएफ) अधिकृत वेबसाईटनुसार सांगण्यात आले.
36 व्या मिनिटाला धुल्फिकार युनूसने इराकला आघाडी मिळवून दिल्यानंतर 39 व्या मिनिटाला मोहम्मद सॅननने ब्लू कोल्ट्ससाठी एकमेव गोल केला. 71 व्या मिनिटाला मुस्तफा नवाफ झाईने इराकसाठी विजयी गोल करण्यापूर्वी सामना बहुतांशी बरोबरीत सुटला. भारत 28 ऑगस्ट रोजी कवलालंपूरमध्ये इराकविरुद्ध आणखी एका मैत्रीपूर्ण सामन्यात खेळणार आहे. नौशाद मूसा यांच्या मार्गदर्शनाखाली भारत 3 ते 9 सप्टेंबर दरम्यान दोहा येथे होणाऱ्या एएफसी अंडर 23 आशियाई कप पात्रता फेरीसाठी तयारी करत आहे. जिथे भारतीय संघ बहरीन (3 सप्टेंबर), यजमान कतार 6 (सप्टेंबर) आणि ब्रुनेई दारुस्सलाम (9 सप्टेंबर) यांच्याशी सामना करतील.
ब्लू कोल्ट्स गेल्या एका महिन्यापासून बेंगळूरमधील पदुकोन द्रविड सेंटर फॉर स्पोर्ट्स एक्सलन्स येथे सराव करत आहेत आणि दोन मैत्रीपूर्ण सामन्यानंतर पात्रता फेरीसाठी दोहा, कतार येथे जातील.
भारत अंडर 23 संघाचा इराक विरुद्धचा संघ: मोहम्मद अरबाज (जीके), बिकाश युमनम (कर्णधार), प्रमवीर, मुहम्मद साहीफ, विबिन मोहनन, मोहम्मद सनन, चिंगंगबम शिवाल्डो सिंग, मुहम्मद सुहेल, फनई लालरेमतलुआंगा, साहील हरिजन, रिकी मीतेई हा ओबाम.
