बेळगाव : शनिमंदिरजवळील चेंबरचे झाकण अचानक खुले झाले होते. त्यामुळे या मार्गावरून ये-जा करणाऱ्या वाहनांना धोका पत्करत प्रवास करावा लागत होता. याची माहिती समजताच नगरसेविका वैशाली भातकांडे यांच्या सूचनेनुसार तातडीने ड्रेनेज चेंबरवर नवीन झाकण बसविण्यात आले. त्यामुळे संभाव्य धोका टळल्याने नागरिकांतून समाधान व्यक्त केले जात आहे. गणेशोत्सव केवळ दोन दिवसांवर येऊन ठेपला असल्याने बाजारपेठेत विविध साहित्य खरेदीसाठी तोबा गर्दी होत आहे. विविध ठिकाणचे रस्ते गर्दीने फुलून गेले आहेत. त्यातच शनिमंदिरजवळ असलेल्या ड्रेनेज चेंबरचे झाकण अचानक खुले झाले होते. त्यामुळे या मार्गावरून ये-जा करणाऱ्या वाहनधारकांना धोका पत्करत प्रवास करावा लागत होता. विशेष करून रात्रीच्या वेळी ड्रेनेज चेंबरचा अंदाज येणे कठीण झाले होते. काहींनी ही माहिती नगरसेविका वैशाली भातकांडे यांना दिली. धोकादायक ड्रेनेज चेंबरवरती काहींनी झाडाची फांदी लावली होती. मात्र, नगरसेविका भातकांडे यांनी ड्रेनेज चेंबरवर नवीन झाकण घालण्याची सूचना केल्याने तेथील समस्या मार्गी लागली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
