सरन्यायाधीश गवई शनिवारी गोव्यात

पणजी : मिरामार-पणजी येथील व्ही. एम.साळगावकर कायदा महाविद्यालयाच्या सुवर्ण महोत्सव सोहळ्याला प्रमुख पाहुणे म्हणून भारताचे सरन्यायाधीश भूषण आर. गवई हे उपस्थित राहणार आहेत. सुवर्णमहोत्सवी सोहळा शनिवारी 23 ऑगस्ट रोजी सकाळी 10.45 वाजता महाविद्यालयात होणार आहे. सरन्यायाधीश गवई यांच्यासमवेत मुंबई उच्च न्यायालयाचे मुख्य न्यायाधीश अलोक आराध्ये, खास निमंत्रित म्हणून मुंबई उच्च न्यायालयाचे न्यायाधीश महेश एस. सोनक, मुंबई उच्च न्यायालयाचे न्यायाधीश श्रीमती भारती डांगरे, कायदा महाविद्यालयाचे प्राचार्य प्रो. डॉ. शबिर अली जी., देवी शर्वाणी एज्युकेशन सोसायटी ऑफ व्ही. एम. साळगावकर कायदा महाविद्यालयाचे अध्यक्ष दत्तराज साळगावकर उपस्थित राहणार आहेत.