बेळगाव : वसतिगृह व निवासी निवास्थानांमध्ये कंत्राटी पद्धतीवर काम करणाऱ्या कर्मचाऱ्यांना सुविधांविना अनेक समस्यांना तोड द्यावे लागत आहे. यासाठी राज्य सरकार व कामगार विभागाने एप्रिलमध्ये जारी केलेल्या सुधारित मसुदा अधिसूचनेनुसार किमान वेतन लागू करावे, अशी मागणी सरकारी वसतिगृह, वसती शाळा कंत्राट कर्मचारी संघाच्यावतीने करण्यात आली. याबाबतचे निवेदन जिल्हाधिकाऱ्यांकडे करण्यात आली. मागासवर्गीय कल्याण विभाग, अल्पसंख्याक कल्याण विभाग, अनुसूचित वर्ग कल्याण विभाग, निवासी शैक्षणिक संस्था संघटनेंतर्गत येणारे स्वयंपाकी, सुरक्षारक्षक, अतिथी शिक्षक, संगणक ऑपरेटर यांना सुविधांविना अडचणी येत आहेत. सदर कर्मचाऱ्यांना दरमहा 36 हजार किमान करावे, वसतिगृहातील कंत्राटी कर्मचाऱ्यांना निवृत्तीपर्यंत कायम करावे. कामगार विभागाच्या कायद्यानुसार साप्ताहिक रजा, ओळखपत्र, ईएसआय, पीएफ, वेतन पावती, सेवा प्रमाणपत्रासह ऑर्डर लेटर देण्याची मागणीही करण्यात आली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
