श्री शिवाजी विद्यालय येळ्ळूर सर्वसाधारण विजेते

येळ्ळूर : भावकेश्वरी माध्यमिक विद्यालय सुळगे (ये) येथे सार्वजनिक शिक्षण खाते आयोजित ग्रामीण येळ्ळूर विभागीय क्रीडा स्पर्धेमध्ये श्री शिवाजी विद्यालय येळ्ळूरने  घवघवीत यश संपादन करताना सर्वसाधारण विजेतेपद मिळवले आहे. दोन दिवस चाललेल्या या स्पर्धांमध्ये श्री चांगळेश्वरी हायस्कूल येळ्ळूर, भावकेश्वरी माध्यमिक विद्यालय सुळगे व नेताजी विद्यालय सुळगे या शाळांनी सहभाग घेतला होता. या स्पर्धेत खो-खो मुले-मुली प्रथम, कबड्डी मुले-मुली प्रथम, थ्रो-बॉल मुले प्रथम, व्हॉलीबॉल मुली प्रथम, 100 मी. रिले मुले-मुली प्रथम, 400 मी. रिले मुली प्रथम तर वैयक्तिक स्पर्धेमध्ये 100 मी. व 3000 मी. धावणे प्रथम विनायक चिठ्ठी, 800 मी. व 1500 मी. धावणे प्रथम सलोनी गोरल, 400 मी. धावणे प्रथम ममता चतुर, थाळीफेक व गोळाफेक प्रथम वेद तम्मुचे, मुलींमध्ये थाळी फेक प्रथम राणी बाळेकुंद्री, उंच उडी प्रथम अनन्या पावले, साखळी गोळा फेक प्रथम प्रसाद सायनेकर यांनी घवघवीत यश मिळवले आहे.