बेळगाव : खानापूर रोडवरील फाउंड्री क्लस्टरजवळ रस्त्यावर मोठे भगदाड पडल्यामुळे नागरिक आणि कामगारांच्या सुरक्षिततेचा गंभीर प्रश्न निर्माण झाला आहे. दररोज हजारो वाहने या मार्गावरून ये-जा करतात. त्यामुळे हा रस्ता अत्यंत धोकादायक बनला असून, प्रवाशांना जीव मुठीत धरून प्रवास करावा लागत आहे. फाउंड्री क्लस्टर हा एक महत्त्वाचा औद्योगिक परिसर असून येथे मोठ्या प्रमाणावर कामगार कार्यरत आहेत. प्रत्येक दिवशी कामगार या मार्गाचा वापर करतात. विशेषत: रात्रीच्या वेळी या ठिकाणी प्रकाश व्यवस्था अपुरी असल्याने अपघाताचा धोका आणखी वाढतो आहे. स्थानिक नागरिक व कामगार संघटनांनी प्रशासनाकडे तातडीने लक्ष घालून रस्त्याची दुरुस्ती करण्याची जोरदार मागणी केली आहे. अन्यथा संभाव्य अपघातांना प्रशासन जबाबदार असेल, असा इशाराही यावेळी देण्यात आला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
