बेळगाव शहरात सायकल रॅलीद्वारे फिट इंडियाचा दिला संदेश

बेळगाव : केंद्र सरकारच्या फिट इंडिया उपक्रमांतर्गत रविवारी बेळगाव पोस्ट विभागाच्या अधिकारी व कर्मचाऱ्यांनी सायकल रॅलीचे आयोजन केले होते. मुख्य पोस्ट कार्यालयापासून धर्मवीर संभाजी चौकापर्यंत सायकल रॅली काढण्यात आली. यामध्ये पोस्टाचे कर्मचारी तसेच अधिकारी सहभागी झाले होते. सायकलचा वापर करून आरोग्य तंदुरुस्त ठेवा, असा संदेश नागरिकांना देण्यात आला. पोस्ट अधिकारी बसवंत माळगी, पोस्ट मास्तर लक्ष्मण चवडीमनी यांनी सायकल रॅलीला हिरवा झेंडा दाखवला. कॅम्प परिसरात सायकल रॅली काढण्यात आली. संपूर्ण देशभर रविवारी पोस्ट विभागाच्या कर्मचाऱ्यांनी या रॅलीचे आयोजन केले होते.