बेळगाव : रहदारी पोलिसांकडून शहरात विविध ठिकाणी रस्त्यावर लावण्यात आलेल्या बॅरिकेड्सचा पाऊस आणि रात्रीच्या वेळी अंदाज येत नसल्याने अपघात होण्याचे प्रकार वाढले आहेत. त्यामुळे पोलीस आयुक्तालयाकडून बॅरिकेड्सना रिफ्लेक्टर्स लावले जात आहेत. पोलीस आयुक्त भूषण बोरसे यांच्या सूचनेनुसार रिफ्लेक्टर्स चिकटवण्याचे काम हाती घेण्यात आले आहे. रहदारी पोलिसांनी शहराबरोबरच राज्य आणि राष्ट्रीय महामार्गावर काही ठिकाणी बॅरिकेड्स लावले आहेत. जुन्या झालेल्या बॅरिकेड्सचे रिफ्लेक्टर्स खराब होण्यासह त्यांचा रंगदेखील उडाला आहे. त्यामुळे रात्रीच्या वेळी पावसातून प्रवास करत असताना वाहनचालकांच्या निदर्शनास बॅरिकेड्स येत नसल्याने काही ठिकाणी अपघात घडत असल्याचे पोलिसांच्या निदर्शनास आले आहे. त्यामुळे बॅरिकेड्सना रिफ्लेक्टर्स चिकटवले जात आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
