सार्वजनिक ठिकाणी गांजा सेवन करणाऱ्या तिघांवर एफआयआर

बेळगाव : सार्वजनिक ठिकाणी गांजा सेवन करणाऱ्या तिघा जणांना ताब्यात घेऊन त्यांच्यावर एफआयआर दाखल करण्यात आला आहे. पोलीस आयुक्त भूषण गुलाबराव बोरसे यांनी एका पत्रकाद्वारे ही माहिती दिली आहे. मार्केटचे पोलीस निरीक्षक विठ्ठल हावण्णावर व त्यांच्या सहकाऱ्यांनी मध्यवर्ती बसस्थानकाजवळ गांजा सेवन करताना रमेश चंद्रकांत अरळीकट्टी (वय 34) मूळचा राहणार बडाल अंकलगी, सध्या राहणार सुभाष गल्ली, गांधीनगर याला ताब्यात घेऊन त्याच्यावर एफआयआर दाखल केला आहे. याच अधिकाऱ्याने कसाई गल्लीजवळ गांजा सेवन करताना वकारअहमद रफिक नाईकवडी (वय 30) राहणार उज्ज्वलनगर याला ताब्यात घेऊन त्याच्यावर एफआयआर दाखल केला आहे. मार्केट पोलिसांनीच कोतवाल गल्लीजवळ रोशन जमीर अब्दुलरऊफ मुल्ला (वय 25) राहणार उज्ज्वलनगर याला ताब्यात घेऊन अमलीपदार्थ प्रतिबंधक कायद्यांतर्गत त्याच्यावर एफआयआर दाखल केले आहेत.