बेळगाव : काँग्रेस रोडवरील पथदीप बंद असल्याने वाहनचालकांना रात्रीच्या वेळी वाहने चालवणे अवघड होत आहे. गोगटे सर्कलपासून मिलिटरी महादेव मंदिर कॉर्नरपर्यंत पथदीप बंद आहेत. यामुळे मंदिर परिसरातील उद्यानामध्ये येणाऱ्या लहान विद्यार्थी व पालकांनाही याचा फटका बसत आहे. काँग्रेस रोडवरील पथदीप मागील अनेक दिवसांपासून बंद आहेत. या मार्गावरून दररोज शेकडो वाहनांची ये-जा असते. गोवा तसेच खानापूरला जाणारी वाहने याच मार्गे ये-जा करीत असतात. परंतु, पथदीप बंद असल्यामुळे वाहनचालकांना धोका निर्माण झाला आहे. पथदीप बंद असल्याने अनेक अवैध प्रकार देखील सुरू झाले आहेत. त्यामुळे महानगरपालिकेने या परिसरातील पथदीप पुन्हा सुरू करण्याची मागणी केली जात आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
