राज्यस्तरीय जलतरण स्पर्धेत अमन सुणगारचे यश

बेळगाव : बेंगळूर येथे कर्नाटक राज्य जलतरण संघटना आयोजित राज्यस्तरीय जलतरण स्पर्धेत बेळगावच्या अमन अभिजीत सुणगारने 2 सुवर्ण, 2 रेप्य, एक कांस्यसह 5 पदकांची लय लूट केली आहे. अहमदाबाद येथे होणाऱ्या राष्ट्रीय जलतरण स्पर्धेसाठी अमन  सुणगारची निवड झाली आहे. बेंगळूरच्या बसवनगुडी एŸक्टिटीक सेंटरच्या जलतरण तलावात घेण्यात आलेल्या राज्यस्तरीय जलतरण स्पर्धेत बेळगावच्या अमन अभिजीत  सुणगारने भाग घेत यश संपादन केले आहे. या स्पर्धेत त्यांनी 100 मी. बॅकस्ट्रोक मध्ये सुवर्णपदक, व 4 बाय 100 मिडल रिले मध्ये सुवर्णपदकासह राज्यस्पर्धेत नवा विक्रम नोंदविला आहे. 200 मी. बॅकस्ट्रोक मध्ये व 4 बाय 200 मी फ्रीस्टाईल मध्ये दोन रेप्य पदक पटकावली. 50 मी. बॅकस्ट्रोक मध्ये कांस्यपदक पटकावले आहे. अमन अभिजीत  सुणगार  हा जैन पदवीपूर्व महाविद्यालयाचा विद्यार्थी असून त्याला प्राचार्य विश्वनाथ पाटील. क्रीडा निर्देशक पर्वतगौडा संकल्पण्णवर यांचे प्रोत्साहन मिळत आहे.अमन  सुणगारची अहमदाबाद येथे 3 ते 7 ऑगस्टला होणाऱ्या राष्ट्रीय जलतरण स्पर्धेसाठी कर्नाटक संघातून निवड करण्यात आली आहे.