राष्ट्रीयपदक विजेती अपूर्वा नाईकचा गौरव

बेळगाव : उत्तर प्रदेशातील प्रयागराज येथे झालेल्या मदनमोहन मालवीय स्पोर्ट्स स्टेडियमवर झालेल्या 23 व्या ज्युनियर 20 वर्षाखालील अॅथलेटिक्स स्पर्धेत बेळगावच्या अपूर्वा नाईकने 400 मी. अडथळा शर्यतीमध्ये रौप्य पदक मिळविले  क्रीडा भारती तर्फे तिचा खास गौरव करण्यात आला. प्रयागराज येथे झालेल्या राष्ट्रीय ज्यु.अॅथलेटिक स्पर्धेत बेळगावच्या अपूर्वा नाईकने 400 मी. अडथळा शर्यतीत 1.09.92 इतक्या वेळेत पूर्ण करून रौप्य पदक पटकाविले. या उल्लेखनीय कामगिरीबद्दल क्रीडा भारतीचे वतीने गौरव करण्यात आला. यावेळी प्रमुख पाहुणे गुऊदत्त कुलकर्णी, माध्यमिक शिक्षक संघटनेचे सचिव उमेश कुलकर्णी, जिल्हा शिक्षक संघटनेचे अध्यक्ष आर पी वंटगुडी, जलतन प्रशिक्षक विश्वास पवार, राजेंद्र कागवाड यांच्या हस्ते अपूर्वा नाईकचा शाल श्रीफळ व पुष्पगुच्छ देऊन तिचा सत्कार करण्यात आला. अपूर्वा ही लिंगराज महाविद्यालयाची विद्यार्थिनी असून लिंगराज महाविद्यालयाचे क्रीडा प्राध्यापक डॉ. सी रामराव, अॅथलेटिक प्रशिक्षक मधुकर देसाई यांचे बहुमूल्य मार्गदर्शन लाभत आहे.