क्रीडा प्रतिनिधी/ बेळगाव
बेंगळूर येथे कर्नाटक राज्य टेबल टेनिस संघटना आयोजित राज्यमानांकित टेबल टेनिस स्पर्धेत बेळगावच्या अव्वल मानकित तनिष्का काळभैरवने सुमेधा भट्टचा तर अभिनव के मूर्तीने वैभवचा पराभव करून विजेतेपद पटकाविले.
मुलींच्या गटातील उपांत्य फेरीत तनिष्का काळभैरवने अगरवाल चा 11-8, 11-4, 11-7 अशा सेटमध्ये पराभव करून अंतिम फेरीत प्रवेश केला. दुसऱ्या उपांत्य लढतीत सुमेधा भट्टने शिवानी महेंद्रचा 11-3,9-11,11-4,7-11, 11-9 असा पराभव करून अंतिम फेरीत प्रवेश केला. अंतिम फेरीत तनिष्काने सुमेधा भट्टचा 11-2,11-4,11-8,11-7 अशा सरळ सेटमध्ये पराभव करून विजेतेपद फटकाविले.
मुलांच्या उपांत्य फेरीच्या सामन्यात वैभवने गौरव गौडाचा 11-3,11-6,11-9 अशा सरळ सेटमध्ये पराभव करून तर दुसऱ्या उपांत्य फेरीच्या सामन्यात अभिनवने अथर्व नवरंगचा 13-11,11-6, 10-12, 11-8,12-10 असा पराभव करून अंतिम फेरीत प्रवेश केला. अंतिम सामन्यात अभिनव के मूर्तीने वैभवचा 11-8. ,9-11,13-11,16-14,5-11,11-4 अशा कडव्या लढतीनंतर विजेतेपद पटकाविले. त्यानंतर मान्यवरांच्या हस्ते चषक प्रमाणपत्र देऊन विजेत्या व उपविजेत्या स्पर्धकांचा गौरव करण्यात आला.
