एम. व्ही. हेरवाडकर हायस्कूलमध्ये जापनीज-इंडिया वर्कशॉप उत्साहात

बेळगाव : टिळकवाडी येथील एम. व्ही. हेरवाडकर इंग्रजी माध्यम हायस्कूलमध्ये नुकतेच जापनीज-इंडिया माध्यमाची वर्कशॉप, कार्यशाळा उत्साहात पार पडली. प्रारंभी स्वागतगीत व दीपप्रज्वलनाने कार्यक्रमाची सुरुवात करण्यात आली. यावेळी जापनीज मुली, क्राफ्ट, जनरल नॉलेज, डान्स, शिक्षण, जापनीज नृत्य, भारतीय नृत्य, भारतीय नाटक, भारतीय सांस्कृतिक कार्यक्रम, भारतीय लेझीम व बँड कला आदी कार्यक्रम झाले. यावेळी वेगवेगळ्या कार्यक्रमांतून 500 विद्यार्थ्यांनी भाग घेतला. या कार्यक्रमाचे उद्घाटन जपान व भारतीय पाहुण्यांच्या हस्ते करण्यात आले. कार्यक्रमाचे अध्यक्ष दिलीप चिटणीस होते. जापनीज प्रमुख पाहुणे सायका ओकी, फिलीप याकीमोव, कानो फ्रामिया, अकिहिरो कानो, आयमे मुकीनाका, अंजना के. एस., सविता के. एस., प्राचार्या शोभा कुलकर्णी, डॉ. अमित कुलकर्णी, पंकज शिवलकर, ज्ञानेश कलघटगी, राजेश शिवलकर यांच्यासह इतर मान्यवर उपस्थित होते. सूत्रसंचालन सलोनी निलजकर तर आभार पलक राजपुरोहित यांनी मानले. कार्यक्रमाला पालक व विद्यार्थी उपस्थित होते.