बेळगाव : बकरी ईदच्या पार्श्वभूमीवर पोलीस खात्याच्यावतीने ठाणे निहाय शांतता समिती बैठकांचा धडाका सुरू झाला आहे. मंगळवारी मार्केट पोलीस स्थानकात हिंदू आणि मुस्लीम समाजाची शांतता समिती बैठक आयोजित करण्यात आली होती. त्यावेळी अधिकाऱ्यांनी उपस्थितांना विविध सूचना करण्यासह मार्गदर्शन केले. मार्केट पोलीस स्थानकाच्या हद्दीत संवेदनशील व अतिसंवेदनशील प्रदेश आहेत. त्यामुळे त्याठिकाणी विविध सणांच्या पार्श्वभूमीवर पोलीस बंदोबस्त तैनात करण्यात येतो. शनिवार दि. 7 रोजी मुस्लीम बांधवांचा बकरी ईद सण असल्याने हा सण शांततेत पार पडावा. कोणत्याही प्रकारे कायदा सुव्यवस्थेचा प्रश्न निर्माण होणार नाही. यासाठी पोलीस खात्याच्यावतीने खबरदारी घेतली जात आहे. यासाठी पोलीस आयुक्तांलयाच्या अखत्यारित येणाऱ्या पोलीस स्थानकांमध्ये गेल्या काही दिवसांपासून शांतता समिती बैठकांचा धडाका सुरू झाला आहे. मंगळवारी मार्केट पोलीस स्थानकात झालेल्या बैठकीवेळी मार्केटचे साहाय्यक पोलीस आयुक्त संतोष सत्यनाईक, पोलीस निरीक्षक महांतेश धामणावर यांनी उपस्थित शांतता कमिटी सदस्यांना सूचना करण्यासह मार्गदर्शन केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
