बेळगाव : केएलएस राजा लखमगौडा लॉ कॉलेजच्या प्रतिष्ठित एम. के. नांबियार सुवर्णपदक भारतीय संविधान विषयात सर्वाधिक गुण घेणाऱ्या विद्यार्थ्याला दिले जाते. पद्मविभूषण के. के. वेणुगोपाल (माजी अॅटर्नी जनरल ऑफ इंडिया व कॉलेजचे माजी विद्यार्थी) यांच्या पुढाकाराने सुवर्णपदक दिले जाते. यावर्षी सुनिधी जोशी व अफशान मुल्ला यांना सुवर्णपदक देण्यात आले. हे सुवर्णपदक आंतरराष्ट्रीय अॅथलेटिक्स व कॉलेजचे माजी विद्यार्थी अर्जुन देवय्या यांच्या हस्ते देण्यात आले. जिमखाना विभागाच्या समारोपप्रसंगी अर्जुन देवय्या उपस्थित होते. यावेळी त्यांनी कॉलेजच्या विद्यार्थ्यांशी संवाद साधून आठवणींना उजाळा दिला. या कार्यक्रमाच्या अध्यक्षस्थानी गव्हर्निंग कौन्सिलचे चेअरमन व्ही. एम. देशपांडे होते. यावेळी प्राचार्य डॉ. ए. एच. हवालदार, प्रा. सतीश अनिकिंदी, डॉ. प्रसन्नाकुमार डी., अमित जाधव, भरत नायक, वैष्णवी कोण्णूरसह इतर उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
