दोडामार्ग – प्रतिनिधी
दोडामार्ग शहरासह तालुक्यातील विविध भागांत आज गुरुवारी दुपारी अवकाळी पाऊस कोसळला. अचानकपणे आलेल्या या पावसामुळे रस्ते जलमय झाले. तर वाहनचालकांना थांबून आसरा घेण्याची वेळ आली.आज दुपारी १ वाजण्याच्या सुमारास दोडामार्ग शहरात जोरदार गडगडाटासह पाऊस कोसळला. यावेळी मध्यान्ह जेवणासाठी घरी जाणाऱ्यांची बरीच धांदल उडाली. दुचाकी ,वाहन चालकांना मिळेल त्या ठिकाणी आसरा घ्यावा लागला. हा पाऊस जवळपास ३ तास सुरूच होता. पाऊस पडल्याने उकाड्याने हैराण झालेल्या नागरिकांना मात्र या पावसाने थंडावा दिला होता.
