पृथ्वीराज मोहोळ-सोनू हरियाणा याच्यांत प्रमुख लढत
वार्ताहर/नंदगड
खानापूर तालुका कुस्तीगीर संघटनेच्यावतीने सालाबादप्रमाणे भव्य कुस्ती मैदान रविवार दि. 18 रोजी दुपारी 3 वाजता मलप्रभा क्रीडांगण जांबोटी क्रॉस खानापूर येथे होणार आहे. या आखाड्यात प्रथम क्रमांकाची कुस्ती महाराष्ट्र केसरी पृथ्वीराज मोहोळ वि. भारत केसरी सोनू कुमार हरियाणा यांच्यात होणार आहे. द्वितीय क्रमांकाची कुस्ती उपमहाराष्ट्र केसरी शुभम सिदनाळे वि. हिमाचल केसरी पवन कुमार यांच्यात. तृतीय क्रमांकाची कुस्ती डबल कर्नाटक केसरी कार्तिक काटे वि. उपमहाराष्ट्र केसरी संदीप मोटे यांच्यात होणार आहे. आखाड्यात चौथा क्रमांकापासून अनुक्रमे पुढील प्रमाणे कुस्त्या होणार आहेत. त्यामध्ये शिवय्या पुजारी वि. ओम माने कोल्हापूर, शिवा दड्डी वि. सुनील करवते, प्रेम कंग्राळी वि. संजू इंगळगी, विक्रम शिनोळी वि. बस्सू जगदाळे, पृथ्वीराज पाटील वि. गिरीश चिक्कबागेवाडी, पवन चिक्कदिनकोप वि. श्रीनाथ ढेकोळे, निखिल कंग्राळी वि. सिद्धू धारवाड, विनायक येळ्ळूर वि. राजू गंदीगवाड, सुमित कडोली वि. भूमिपुत्र मुतगा, हनुमंत गंदिगवाड वि. ओमकार राशिवडे, हर्ष कंग्राळी वि. उमेश शिरगुपी, सिद्धांत तीर्थकुंडे वि. केशव सांबरा आदीसह कुस्ती मैदानात 50 हून अधिक कुस्त्या होणार आहेत.
महिलांच्या कुस्त्यामध्ये शिवानी वड्डेबैल वि. वैष्णवी कुसमळी, ऋतुजा वडगाव वि. भक्ती मोदेकोप यांच्यात होणार आहे. मेंढ्याची कुस्ती पंकज चापगाव वि. रामदास काकती, महेश तीर्थकुंडे वि. काशिलिंग जमखंडी यांच्यात होणार आहे. आकर्षक कुस्त्यामध्ये पार्थ पाटील कंग्राळी वि. संजू दावणगिरी, प्रथमेश हट्टीकर वि. सुरेश लंगोटी, रिदांत मजगाव वि. स्वराज्य सावगांव यांच्यात होणार आहे. आखाडा समारंभाचे अध्यक्ष आमदार विठ्ठल हलगेकर राहणार आहेत. आखाड्याचे उद्घाटन जेडीएसचे नेते नासीर बागवान यांच्या हस्ते होणार आहे. कार्यक्रमाला माजी आमदार अरविंद पाटील, भाजपाचे नेते प्रमोद कोचेरी, लैला शुगर्सचे कार्यकारी संचालक सदानंद पाटील, आदीसह अन्य मान्यवर उपस्थित राहणार आहेत. आखाड्याला सर्वांनी उपस्थित राहावे, असे आवाहन खानापूर तालुका कुस्तीगीर संघटनेचे अध्यक्ष हणमंत गुरव व अन्य पदाधिकाऱ्यांनी केले आहे.
