अलतगे येथे शिवजयंती

कंग्राळी बुद्रुक : अलतगे येथे मंगळवारी परंपरेनुसार होणारी छत्रपती शिवाजी महाराज यांची जयंती मोठ्या उत्साहात साजरी करण्यात आली. यावेळी श्री शिवप्रतिष्ठान हिंदूस्थान अलतगे शाखा कार्यकर्ते व देवस्थान पंचकमिटीच्या हस्ते छत्रपती शिवाजी महाराजांच्या मुर्तीचे पूजन करून श्रीफळ वाढविण्यात आले. यावेळी सुवासिनींच्या हस्ते पाळणा पूजन करण्यात आल्यानंतर सुवासिनींना छत्रपती शिवाजी महाराजांच्या जन्मसोहळ्याचा पाळणा गायिला. यावेळी ग्रामस्थ, महिला मंडळे व शिवभक्त उपस्थित होते.