राहुल-सोनिया गांधींविरोधात भाजपचे चन्नमा चौकात आंदोलन

बेळगाव : नॅशनल हेरॉल्ड प्रकरणात अंमलबजावणी संचलनालयाने संसदेचे विरोधी पक्षनेते राहुल गांधी व राज्यसभेच्या सदस्या सोनिया गांधी यांच्याविरुद्ध आरोपपत्र दाखल केले आहे. या आरोपामुळे त्या दोघांनीही आपल्या पदाचा राजीनामा द्यावा. तसेच या प्रकरणातील आरोपातून मुक्तता होईपर्यंत कोणत्याही पदावर राहू नये, या मागणीसाठी भाजपतर्फे शुक्रवारी आंदोलन करण्यात आले. भाजप युवा मोर्चा तसेच महानगर यांच्यावतीने राणी चन्नम्मा चौक येथे आंदोलन करून निषेध करण्यात आला. नॅशनल हेरॉल्डसारख्या प्रकरणात आरोप होत असतानाही अद्याप राजीनामा न दिल्याने भाजप पदाधिकाऱ्यांनी संताप व्यक्त केला. यावेळी भाजपचे मुरगेंद्रगौडा पाटील यांच्यासह इतर पदाधिकारी उपस्थित होते.