जागतिक आरोग्य दिनानिमित्त दंतचिकित्सा शिबिर

बेळगाव : जागतिक आरोग्य दिनानिमित्त केएलई व्हीके इन्स्टिट्यूट ऑफ डेंटल सायन्सिसतर्फे तालुका आरोग्य कार्यालयामध्ये दंतचिकित्सा शिबिर घेण्यात आले. संस्थेच्या पब्लिक हेल्थ डेंट्रिस्ट्री विभागाच्या प्रमुख डॉ. रुपाली संकेश्वरी यांच्या पुढाकाराने हे शिबिर झाले. यावेळी आशा कार्यकर्त्यांना गर्भवतींनी दाताची काळजी कशी घ्यावी, तसेच आपल्या मुलांच्या आरोग्याची कशी काळजी घ्यावी, याबद्दल मार्गदर्शन करण्यात आले. यासंदर्भात प्रात्यक्षिकही दाखविले. 80 हून अधिक आशा कार्यकर्त्यांनी यामध्ये भाग घेतला. या सर्वांची दंतचिकित्सा करण्यात आली. शिबिराला तालुका आरोग्य अधिकारी डॉ. रमेश दंडगी यांचे सहकार्य लाभले.