बेळगाव : बारावी परीक्षेत राज्य व जिल्हास्तरावर उत्तुंग यश मिळविलेल्या विद्यार्थ्यांचा गौरव समारंभ जि. पं. सभागृहात बुधवारी झाला. जि. पं. व शिक्षण खात्यातर्फे या समारंभाचे आयोजन करण्यात आले होते. वाणिज्य शाखेत राज्यात तिसरा क्रमांक मिळविलेली तन्वी पाटील, कला शाखेत जिल्ह्यात प्रथम क्रमांक मिळविलेली महालक्ष्मी कुसुगुर, विज्ञान शाखेत सानिया सनदी व सृष्टी दिग्गाई, चिकोडी विभागात यश संपादन केलेल्या वाणिज्य शाखेतील पूजा सुतार, कावेरी पवाडी, अंकिता लगमण्णावर यांचा गौरव करण्यात आला. यशस्वी विद्यार्थ्यांचे अभिनंदन करताना जिल्हाधिकारी मोहम्मद रोशन यांनी विद्यार्थ्यांच्या भावी वाटचालीस शुभेच्छा दिल्या. जिल्हा पोलीसप्रमुख डॉ. भीमाशंकर गुळेद, जि. पं. कार्यकारी अधिकारी (सीईओ) राहुल शिंदे यांनीही यशस्वी विद्यार्थ्यांचे अभिनंदन केले. कार्यक्रमाला शहर पोलीस आयुक्त यडा मार्टिन मार्बन्यांग, जि. पं. उपसचिव बसवराज हेग्गनायक, बसवराज अडवीमठ, मुख्य योजनाधिकारी गंगाधर दिवटर आदी शिक्षण खात्याचे अधिकारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
