सांबऱ्यात कुस्ती मैदान रविवारी

बेळगाव : श्री हनुमान मंदिर जिर्णोध्दाराच्या सुवर्ण महोत्सवानिमित्त सांबरा कुस्तीगीर कमिटी आणि ग्रामस्थांच्यावतीने रविवार दि. 13 एप्रिल रोजी भव्य आंतरराष्ट्रीय  निकाली कुस्त्यांचे मैदान आयोजित करण्यात आले आहे. राष्ट्रीय विजेता गणेश जगताप (ता. आंतरराष्ट्रीय कुस्ती संकुल, पुणे) आणि इराणचा आंतरराष्ट्रीय मल्ल मिलाद यांच्यात पहिल्या क्रमांकाची लढत होणार आहे. विमानतळ जवळच्या मैदानावर होणाऱ्या या आखाड्यात दोन नंबरची कुस्ती कर्नाटक केसरी नागराज बस्सीडोणी वि. महाराष्ट्र चॅम्पियन ओमकार भातमारे (ता. इचलकरंजी) यांच्यात होणार आहे. तिसऱ्या क्रमांकाची लढत कर्नाटक चॅम्पियन गिरीष दावणगेरी वि. दिल्लीचा मल्ल तेजा, चौथ्या क्रमांकाची कुस्ती विक्रम शिनोळी वि. पुण्याचा करण ठाणे, पाचवी लढत पृथ्वीराज कंग्राळी वि. रुद्राप्पा एमटी, सहावी कुस्ती महेश तीर्थकुंडे वि. सुरेश अथणी, सातवी कुस्ती प्रवीण निलजी विरुद्ध कोल्हापूरच्या राज पवार यांच्यात होणार आहे. यासह इतर अनेक कुस्त्या मैदानात होणार आहेत.