श्री गणेश ऑटोरिक्षा स्टँडतर्फे रामनवमी उत्साहात

बेळगाव : युनियन जिमखानाजवळील श्री गणेश ऑटोरिक्षा स्टँडच्यावतीने रविवारी श्री रामनवमी उत्साहात साजरी करण्यात आली. यावेळी भाविकांसाठी महाप्रसादाचेही आयोजन करण्यात आले होते. श्री दत्त मंदिरात श्री रामाचे पूजन करण्यात आले. धार्मिक कार्यक्रमानंतर महाप्रसादाला सुरुवात करण्यात आली. ऑटो रिक्षाचालकांनी एकत्र येऊन हा उपक्रम राबविला. यावेळी यल्लाप्पा नाईक, गजानन कोलेकर, मारुती यादव, सुंदर कुरबर, राजू व सामाजिक कार्यकर्ते बबन भोबे आदींसह ऑटो रिक्षाचालक व परिसरातील कार्यकर्ते उपस्थित होते.