मराठी विद्यानिकेतनची वेटलिफ्टर राष्ट्रीय स्पर्धेसाठी पात्र

बेळगाव : मंगळूर या ठिकाणी झालेल्या सार्वजनिक शिक्षण खाते आयोजित स्कूल फेडरेशन ऑफ इंडिया राज्यस्तरीय वेटलिफ्टिंग स्पर्धेत आदिती शंकर पाटीलने घवघवीत यश संपादन केले. 44 किलो वजनी गटात तिने प्रथम क्रमांक पटकावित 17 वर्षाखालील स्कूल गेम्स फेडरेशन ऑफ इंडिया राष्ट्रीय स्तरावर आपले स्थान पक्के केले आहे. आदिती शंकर पाटील राहणार कंग्राळी बी.के. ही विद्यार्थिनी सध्या मराठी विद्यानिकेतन शाळेत इयत्ता दहावी या वर्गात शिकत आहे. शाळेच्या क्रीडा शिक्षिका पूजा संताजी यांचे मार्गदर्शन लाभले आहे.  या राष्ट्रीय स्पर्धा 06 ते 12 एप्रिल या कालावधीमध्ये मणिपूर इम्पाल या ठिकाणी संपन्न होणार आहेत. यासाठी आदिती पाटील आपली दहावीची बोर्डाची परीक्षा देऊन सहभागी होणार आहे. तिला परीक्षेसोबतच राष्ट्रीय स्पर्धेसाठी शिक्षण संयोजक नीला आपटे, मुख्याध्यापक एन. सी. उडकेकर, गजानन सावंत, क्रीडा शिक्षक दत्ता पाटील, महेश हागिदळे, श्रीधर बेन्नाळकर, पूजा संताजी, ज्येष्ठ समाज सेवक शिवाजीदादा कागणीकर, शाळा सुधारणा समिती आणि शिक्षकांचे प्रोत्साहन लाभत आहे.