जिल्हा निर्मिती केंद्राच्या नूतन इमारतीचे मंत्री लक्ष्मी हेब्बाळकरांच्या हस्ते उद्घाटन

बेळगाव : लक्ष्मी टेकडी, गणेशपूर येथील एस. निजलिंगप्पा साखर संस्थेच्या पाठीमागे उभारण्यात आलेल्या जिल्हा निर्मिती केंद्राच्या नूतन इमारतीचे उद्घाटन गुढीपाडव्यादिनी महिला व बालकल्याण खात्याच्या मंत्री लक्ष्मी हेब्बाळकर यांच्या हस्ते करण्यात आले. यावेळी बेळगाव उत्तरचे आमदार राजू सेठ, विधान परिषद सदस्य चन्नराज हट्टीहोळी, जिल्हाधिकारी मोहम्मद रोशन, जिल्हा पोलीसप्रमुख डॉ. भीमाशंकर गुळेद, जिल्हा निर्मिती केंद्राचे शेखरगौडा कुरटगी यांच्यासह इतर अधिकारी उपस्थित होते. उद्घाटनानंतर लक्ष्मी हेब्बाळकर यांनी नूतन इमारत व उद्यानाची पाहणी केली. नवे तंत्रज्ञान आत्मसात करून इमारती उभारण्यावर निर्मिती केंद्राने अधिक भर दिला आहे. जिल्ह्यातील अनेक प्रमुख सरकारी कार्यालये याच संस्थेने उभारली आहेत. कमीत कमी खर्चात नव्या तंत्रज्ञानाचा वापर करीत उत्तम इमारती उभारणे हे निर्मिती केंद्राचे वैशिष्ट्या असल्याचे लक्ष्मी हेब्बाळकर यांनी सांगितले.