बेळगाव : डेहराडून येथे झालेल्या ज्युनिअर राष्ट्रीय ज्युडो स्पर्धेत साईश्वरी गंगाराम कोडचवाडकर हिने 78 किलो गटात कांस्यपदक पटकावून यश संपादन केले आहे. डेहराडून येथे झालेल्या या स्पर्धेत साईश्वरी कोडचवाडकरने 78 किलो गटात उपांत्य फेरीत धडक मारली. पण उपांत्य फेरीत दिल्लीच्या ज्युडोपटूंशी हार पत्करावी लागली. पण कांस्यसाठी झालेल्या लढतीत साईश्वरीने उत्तम कामगिरी करुन यश संपादन केले. यापूर्वीही साईश्वरीने कझाकस्थान येथे झालेल्या एशियन खुल्या ज्युडो स्पर्धेत भाग घेतला होता. त्याच प्रमाणे दक्षिण विभागीय राष्ट्रीय स्पर्धेत रौप्य पदक पटकाविले होते. तिच्या या यशाबद्दल सर्वत्र कौतुक होत आहे. तिला ज्युडो प्रशिक्षक रोहिणी पाटील व कुतुजा मुल्तानी यांचे मार्गदर्शन लाभत असून युवजन क्रीडा अधिकारी श्रीनिवास बी. यांचे प्रोत्साहन लाभत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
