पाटीलमळा येथे युवकावर चाकू हल्ला

बेळगाव : बुधवारी रात्री उशिरा पाटीलमळा येथे एका युवकावर चाकू हल्ला झाला आहे. या हल्ल्यात तो गंभीर जखमी झाला असून त्याला उपचारासाठी सिव्हिल हॉस्पिटलमध्ये दाखल करण्यात आले आहे. जखमीची प्रकृती गंभीर असल्याचे वैद्यकीय सूत्रांनी सांगितले. अनिल धामणेकर (वय 43, रा. पाटीलमळा) असे जखमी युवकाचे नाव आहे. त्यांच्याच नात्यातील एका तरुणाने हे कृत्य केल्याची प्राथमिक माहिती आहे. घटनेची माहिती समजताच खडेबाजारचे पोलीस निरीक्षक श्रीशैल गाभी व त्यांचे सहकारी सिव्हिल हॉस्पिटलमध्ये दाखल झाले. या घटनेनंतर मध्यरात्री सिव्हिल हॉस्पिटल परिसरात गर्दी जमली होती. पोलिसांनी गर्दीला पांगविले. उपलब्ध माहितीनुसार बुधवारी रात्री 11 च्या सुमारास ही घटना घडले. घटनास्थळीही गर्दी जमली होती. रात्री उशिरापर्यंत पोलीस अधिकारी या संबंधीची माहिती घेत होते. खडेबाजारचे एसीपी शेखराप्पा एच. व वरिष्ठ अधिकारीही सिव्हिल हॉस्पिटलमध्ये दाखल झाले आहेत.