रत्नागिरी :
उमेद, जिल्हा ग्रामीण विकास यंत्रणा, जिल्हा परिषद आणि पंचायत समिती यांच्या संयुक्त विद्यमाने २१ ते २५ मार्च या कालावधीत दापोलीतील आझाद मैदानावर जिल्हास्तर सरस प्रदर्शनाचे आयोजन करण्यात आले आहे. या प्रदर्शनाचे उद्घाटन पालकमंत्री उदय सामंत, गृहराज्यमंत्री योगेश कदम यांच्या उपस्थितीत होणार आहे.
जिल्हास्तर विक्री व प्रदर्शन हे ग्रामीण भागातील महिला बचत गटांनी स्वयंरोजगारातून उत्पादित केलेल्या विविध मालाच्या विक्रीसाठी हक्काचे व्यासपीठ मानले जाते. विक्री व प्रदर्शनामध्ये बचत गटांनी उत्पादित केलेली उत्पादने माफक दरात ग्राहकांना उपलब्ध होणार आहेत. यात जिल्ह्यातीत एकूण ७५ स्वयंसहायता समूह सहभागी होणार आहेत.
प्रदर्शन कालावधीत संध्याकाळी स्वयंसहाय्यता समूहातील सदस्यांचे मनोरंजनपर लोककला, लोकगीत, भारुडे, वैयक्तिक व सामूहिक सांस्कृतिक कार्यक्रम आयोजित करण्यात येणार आहेत. सहभागी स्टॉल प्रतिनिधीसाठी फन्नी गेम्स आयोजित करण्यात येणार आहेत.
- २२ रोजी गौरव समारंभ
स्वयंसहायता समूहातील सहभागी उत्कृष्ट काम केलेले बँक शाखाधिकारी, महिला, राष्ट्रीय स्तरावर पुरस्कार प्राप्त प्रभागसंघाचा २२ मार्च रोजी गौरव करण्यात येणार आहे. प्रदर्शनाचा सांगता समारंभ २५ मार्च रोजी दुपारी ३ वाजता होणार आहे. उत्कृष्ट मांडणी व सर्वाधिक विक्री करणाऱ्या स्वयंसहाय्यता समूहाचा सत्कार यावेळी करण्यात येणार आहे.
