वॉशिंग्टन : 26/11 मुंबई हल्ल्यांचा गुन्हेगार तहव्वुर राणाने अमेरिकेच्या सर्वोच्च न्यायालयात याचिका दाखल करत भारतात होणारे स्वत:चे प्रत्यार्पण रोखण्याची मागणी केली आहे. राणाने चालू महिन्यात एक याचिका दाखल केली होती, जी अमेरिकेच्या सर्वोच्च न्यायालयाच्या एका न्यायाधीशाने फेटाळली होती. प्रत्यार्पणाला तातडीने स्थगिती दिली जावी, अशी मागणी राणाने याचिका दाखल करत केली होती. भारतात पाठविण्यात आल्यास तेथे माझा छळ केला जाईल आणि मी अधिक दिवस जिवंत राहू शकणार नाही असा युक्तिवाद राणाने याचिकेत केला होता. परंतु त्याची याचिका फेटाळण्यात आली होती. राणाने ह्यूमन राइट्स वॉच 2023 च्या अहवालाचा दाखला देत भारत सरकारवर अनेक आरोप केले होते. भारतात धार्मिक अल्पसंख्याक विशेषकरून मुस्लिमांसोबत भेदभाव होत असल्याचे त्याने म्हटले हेते. फेब्रुवारी महिन्यात पंतप्रधान नरेंद्र मोदींनी अमेरिकेचा दौरा केला होता. त्यादरम्यान अमेरिकेचे अध्यक्ष डोनाल्ड ट्रम्प यांनी मुंबई हल्ल्याचा गुन्हेगार तहव्वुर राणाला भारतात प्रत्यार्पित करण्याची घोषणा केली होती. मुंबईत झालेल्या दहशतवादी हल्ल्यांवरून 2011 मध्ये एनआयएने राणासमवेत 9 जणांच्या विरोधात आरोपपत्र दाखल केले होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
