वृत्तसंस्था/ नवी दिल्ली
मागील काही महिन्यांपासून सेफगार्ड टेरिफ लादण्याच्या अटकळात देशांतर्गत स्टीलच्या किमती वाढल्या आहेत, परंतु जागतिक व्यापार युद्धाच्या वाढत्या जोखमीमुळे आयात वाढली आहे आणि निर्यातीला धक्का बसण्याचा धोका निर्माण झाला आहे. यामध्ये बिगमिंटच्या आकडेवारीवरून असे दिसून येते की, मुंबईत हॉट रोल्ड कॉइल (एचआरसी) च्या किमती मार्च 2025 मध्ये 600 रुपयांनी वाढून 49,000 रुपये प्रति टन झाल्या आहेत, फेब्रुवारीमध्ये 48,400 रुपये प्रति टन होत्या. जानेवारीमध्ये मासिक सरासरी किंमत 47,000 रुपये प्रति टन होती. दरम्यान वार्षिक सरासरी, एचआरसीच्या किमती आर्थिक वर्ष 2024 पेक्षा सातत्याने कमी राहिल्या आहेत. एचआरसीला फ्लॅट स्टीलसाठी मानक मानले जाते. आर्थिक वर्ष 2025 मध्ये काही महिन्यात त्याची किंमत जास्त होती आणि आर्थिक वर्ष 2024 च्या तुलनेत इतर महिन्यात कमी होती.
क्रिसिल इंटेलिजेंसचे संचालक-संशोधन सेहुल भट्ट म्हणाले की, या निर्णयामुळे भारताच्या व्यापारी भागीदारांना निर्यात कमी होईल. कारण देशांतर्गत उत्पादन वाढेल. परंतु भारतावर त्याचा कोणताही महत्त्वपूर्ण परिणाम होण्याची शक्यता नाही कारण या आर्थिक वर्षाच्या पहिल्या 9 महिन्यात त्याच्या एकूण तयार स्टील निर्यातीपैकी फक्त 2 टक्के निर्यात अमेरिकेला झाली आहे.
फिच रेटिंग्जने मंगळवारी म्हटले आहे की, चीनकडून स्वस्त स्टील पुरवठा आणि काही अर्थव्यवस्थांच्या आक्रमक टॅरिफ धोरणांमुळे मार्च 2026 (आर्थिक वर्ष 2026) मध्ये देशांतर्गत स्टीलच्या किमतींवर दबाव येईल. या अनुमानामुळे, फिचने जेएसडब्ल्यू स्टील लिमिटेड (बीबी/स्टेबल) आणि टाटा स्टील लिमिटेड (बीबीबी मायनस/निगेटिव्ह) चे रेटिंग हेडरूम डाउनग्रेड केले आहे.
आयात वाढली
जेएसडब्ल्यू स्टीलचे सहव्यवस्थापकीय संचालक आणि मुख्य कार्यकारी अधिकारी जयंत आचार्य म्हणाले की, देशांतर्गत स्टील कंपन्यांना दुहेरी फटका बसत आहे. कारण स्टील निर्यातीत घट झाली आहे तर आयातीत वाढ झाली आहे. ते म्हणाले, ‘विविध देशांमध्ये वेगाने बदलणाऱ्या धोरणांमुळे आणि टॅरिफ कृतींमुळे, भारतातील स्टील आयातीला धोका वाढू शकतो.’ निर्यातीच्या घटनेदरम्यान, भारतीय स्टील निर्यातीचे शीर्ष केंद्र असलेल्या युरोपियन युनियनने डब्लूटीओमध्ये प्रस्तावित बदल सूचित केला आहे, ज्यामुळे 1 एप्रिलपासून एकूण शुल्कमुक्त एचआरसी कमी होईल.
