संजीवनी चॅरिटेबल ट्रस्टवतर्फे मूत्रपिंड दिनानिमित्त बाईक रॅली

बेळगाव : दरवषी मार्च महिन्याच्या दुसऱ्या गुऊवारी जागतिक मूत्रपिंड दिन पाळण्यात येतो. याचे औचित्य साधून संजीवनी चॅरिटेबल ट्रस्टतर्फे बाईक रॅली काढण्यात आली. सदाशिवनगर येथून सुरू झालेली ही बाईक रॅली शहरातील प्रमुख मार्गांवरून जावून शहापूर, वडगाव, हिंदवाडी, अनगोळ, टिळकवाडी या भागात फिरून सदाशिवनगर येथे समाप्त झाली. संपूर्ण मार्गांवर ट्रस्टच्या कार्यकर्त्यांनी माहिती पत्रके वाटली व याचे महत्त्व पटवून दिले. या उपक्रमाला बेळगाव येथील इलेक्ट्रीक बाईक बनविणारी देशातील अग्रगण्य कंपनी एडीएमएस यांचे प्रतिनिधी प्रदूषणापासून मुक्ती देणाऱ्या इलेक्ट्रीक बाईक घेऊन मोठ्या प्रमाणात सामील झाले होते. कंपनीचे अध्यक्ष अशोक तंगडी यांनी शुभेच्छा देऊन रॅलीला हिरवा झेंडा दाखविला. सुरूवातीला संजीवनी चॅरिटेबल ट्रस्टचे ट्रस्टी संजीव देसाई यांनी किडनीचे आरोग्य कसे सांभाळावे व किडनीचे महत्त्व सांगितले. एडीएमएस कंपनीचे प्रतिनिधी विनायक पाटील, निलेश मुरकुटे, सुभाष शिंदे, राजेंद्र पट्टण, नामदेव पाटील यांच्यासह इतर अनेक प्रतिनिधी बेळगाव येथील एडीएमएस ई-बाईक्स सी अँड एफ कल्लाप्पा कर्लेकर, अनगोळ येथील म्हाळसा ई बाईक शोरूमचे मालक राजेश वेर्णेकर आदींनी ही रॅली यशस्वी करण्यासाठी सहकार्य केले.