बेळगाव : वृद्ध आणि आजारी व्यक्तींना शासनाने घरबसल्या रेशन वितरण करावे असा आदेश दिला आहे. मात्र बहुतांश रेशन दुकानदारांकडून याकडे दुर्लक्ष होते. मात्र सावगाव येथील रेशन दुकानदार राजू सटवाई यांनी आपले कर्तव्य बजावत एका वृद्ध आजारी लाभार्थ्याच्या घरी जाऊन अंगठ्याचे ठसे घेतले आहेत. शिवाय माणुसकीचे दर्शनही घडविले आहे. ग्रामीण आणि दुर्गम भागात रेशन दुकाने 10 ते 15 कि. मी. अंतरावर आहेत. अशा ठिकाणी वयोवृद्ध आणि आजारी लाभार्थ्यांना रेशन घेणे कठीण होते. दरम्यान अशा परिस्थितीत गैरसोय टाळण्यासाठी वृद्ध आणि आजारी व्यक्तींना घरबसल्या रेशन देण्यात यावे, असा आदेश शासनाने दिला आहे. मात्र या आदेशाची पायमल्ली होताना दिसते. मात्र सावगाव येथील या रेशन दुकानदाराने आपले कर्तव्य आणि आदेशाचे पालन करत एका आजारी आणि वयोवृद्ध लाभार्थ्याच्या घरी जाऊन रेशनसाठी बायोमेट्रिक ठसे घेतले आहेत. त्यामुळे लाभार्थ्यांतून समाधान व्यक्त होत आहे. दिव्यांग, वृद्ध आणि आजारी लाभार्थ्यांची संख्या मोठी आहे. मात्र अशा लाभार्थ्यांना रेशन दुकानापर्यंत येणे अशक्य आहे. अशांसाठी रेशन दुकानदारांनी घरबसल्या रेशन वितरणाची व्यवस्था करावी, अशी मागणीही होत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
