खानापूर : खास महाशिवरात्रीनिमित्त वड्डेबैल येथे शुक्रवार दि. 28 रोजी भव्य खळ्याच्या कुस्तीचे आयोजन करण्यात आले होते. या कुस्तीमध्ये यळळूरचा पैलवान निरंजन हा विजेता ठरला. आखाड्यात प्रथम क्रमांकाची कुस्ती निरंजन येळ्ळूर विरुद्ध पैलवान नारायण आलारवाड यांच्यात झाली. ही कुस्ती लैला साखर कारखान्याचे कार्यकारी संचालक सदानंद पाटील, भाजपाचे तालुका प्रधान कार्यदर्शी मल्लाप्पा मारीहाळ, ग्राम पंचायत माजी अध्यक्ष कल्लापा पाटील आदींचे हस्ते लावण्यात आली. तर द्वितीय क्रमांकाची कुस्ती शिवराज इटगी विरुद्ध रोहित माचीगड यांच्यात झाली. यामध्ये शिवराज इटगी हा पैलवान विजयी झाला. त्याचप्रमाणे या कुस्ती मैदानात आकाश धारवाड, दत्ता पाटील, आनंद शिंदोली, रुद्राप्पा मल्लापुर, दर्शन इटगी, प्रदीप वड्डेबैल, विक्रांत वड्डेबैल या पैलवानानी विजय मिळविला. त्यांना पंच कमिटीच्यावतीने बक्षीस देऊन गौरविण्यात आले. दरवर्षी महाशिवरात्रीला श्री रामलिंगेश्वर देवस्थानाच्या नावाने यात्रोत्सवानिमित्त खळ्याच्या कुस्त्यांचे यशस्वी आयोजन करण्यात आले होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
