गुरुप्रतिपदेच्या निमित्ताने दत्त मंदिरात आयोजन
सावंतवाडी । प्रतिनिधी
पद्मनाभा नारायणा कधी भेटेन वनवासी नाट्यपद, रूप पाहता लोचनी,अशी अनेक भक्तिगीते नाट्यगीते गौळणी सादर करत स्वतः जवळपास दोन हजारहून अधिक गीते ,नाट्यगीतांना चाल देणारे सुप्रसिद्ध कलाकार अभिनव गंधर्व पंडित श्री रघुनाथ जी खंडाळकर व त्यांचे सुपुत्र गायक सुरंजन खंडाळकर व गायक शुभम खंडाळकर या प्रसिद्ध पितापुत्र गायकांची मैफिल सावंतवाडी भटवाडीत रंगली.सावंतवाडीकर संगीत रसिकांच्या मनावर अधिराज्य गाजवत या तिन्ही प्रसिद्ध गायकांनी आपल्या सूरतालातल्या आवाजात गुरुवारची संध्याकाळ भक्तिमय रसात उधळून नेली. निमित्त होतं. श्री परमपूज्य वासुदेवानंद सरस्वती टेंबे स्वामी महाराजांच्या स्थापन झालेल्या भटवाडी सावंतवाडीतील श्री दत्त मंदिर येथे गुरुप्रतिपदा उत्सवा निमित्ताने या प्रसिद्ध कलाकार गायकांची संगीत मैफिल आयोजित करण्यात आली होती. पुणे येथील स्कूलच्या संचालिका सौ.सुजाता परांजपे , सावंतवाडी भटवाडी दत्त मंदिर आरती परिवार,भटवाडी ग्रामस्थ यांच्या यांच्या सहकार्याने संगीत रजनी मैफिल कार्यक्रमाचे आयोजन करण्यात आले होते . यावेळी सुप्रसिद्ध कलाकार अभिनव गंधर्व पंडित श्री रघुनाथजी खंडाळकर यांचा सामाजिक कार्यकर्ते उदय अळवणी यांच्या हस्ते शाल श्रीफळ देऊन सत्कार करण्यात आला. तर त्यांचे सुपुत्र गायक सुरंजन खंडाळकर यांचा सत्कार अभय नेवगी यांनी तर गायक शुभम खंडाळकर यांचा सन्मान प्रशांत अळवणी यांच्या हस्ते करण्यात आला . तबलावादक रोहित श्रीवंत यांचा सत्कार सुनील सावंत ,पखवाज वादक श्री पार्थ भूमकर यांचा सत्कार किशोर सावंत,या संगीत मैफिलीला साथ देणारे श्रावणी थिटे यांचा सत्कार शशिकला अळवणी. सौ सुर्वी खंडाळकर यांचा सत्कार ऐश्वर्या तेजम तर बाळू कशाळीकर , आबा कशाळीकर , सानू सुभेदार आदींचा सत्कार विना दळवी , रिमा परांजपे , वैष्णवी कुट यांच्या हस्ते करण्यात आला. यावेळी सूत्रसंचालक संजय कात्रे यांचाही सन्मान करण्यात आला .
सावंतवाडी दत्त मंदिर भटवाडी येथे गुरु प्रतिपदे निमित्त प्रसिद्ध कलाकार अभिनव गंधर्व ,पंडित रघुनाथजी खंडाळकर यांनी आपल्या सूरतालातून जवळपास दोनशे अभंग भक्तीगीत , नाट्यगीतांना विविध अंगाने चाली दिल्या आहेत. त्यातील जवळपास काही अभंग, गवळणी , नाट्यगीत सादर करत रसिकांना भजनामध्ये दंगून ठेवले. रूप पाहता लोचनी हा अभंग सादर करताना अभंगाचे अनेक पैलू मांडताना समोर विठ्ठल उभा केला. देव एका पायाने लंगडा ही गवळण सादर करताना उपस्थित संगीत प्रेमी दंग होऊन गेले. या तिन्ही गायकांनी आपल्या सुरेल आवाजाने सावंतवाडी भटवाडीचा परिसर संगीत मैफिलीमध्ये दंगून गेला .अभंग गौळणी व नाट्यगीतांनी संगीत रसिकांना या तीन प्रसिद्ध गायकांची संगीत श्रवण पर्वणी प्राप्त झाली. या संगीत कार्यक्रमात नितीन धामापूरकर यांनीही साथ दिली. या संगीत रजनी कार्यक्रमाचे शानदार सूत्रसंचालन संजय कात्रे यांनी तर उपस्थितांचे आभार शशिकला अळवणी यांनी मानले. या कार्यक्रमाला प्रसिद्ध मालवणी कवी दादा मडकईकर, सौ भोसले, माजी नगरसेवक संजय पेडणेकर ,सुनील सावंत,किशोर सावंत,मयूर पिंगुळकर, श्याम पंडित आधी उपस्थित होते.
