जलतरण स्पर्धेत वेदांतला वैयक्तिक जेतेपद

बेळगाव : ज्योती सेंट्रल स्कूलच्या युवा जलतरणपटूने दुसऱ्या पी.व्ही.आर आंतरराज्य वयोगटातील जलतरण चॅम्पियनशिपमध्ये बाजी मारली. ज्योती सेंट्रल स्कूलचा विद्यार्थी वेदांत मिसाळेने वैयक्तिक विजेतेपद पटकाविले. आबा व हिंद स्पोर्ट्स क्लब आणि क्रीडा भारतीद्वारे आयोजित स्पर्धेत वेदांतने गट-2 मध्ये 50, 100 मी. बटरफ्लॉयमध्ये सुवर्ण, 200 मी. वैयक्तिक मिडलेमध्ये सुवर्ण, 50 मी. बॅकस्ट्रोकमध्ये रौप्य, 100 मी. ब्रेस्टस्ट्रोकमध्ये रौप्य, 4×100 मी. मिक्स रिलेमध्ये रौप्य, 4×100 मी. मिडले रिलेमध्ये रौप्य पदक मिळविले. प्राचार्या मायादेवी आगसगेकर यांनी वेदांतला शुभेच्छा दिल्या.