मि. मॉडर्न शरीरसौष्ठव स्पर्धेच्या चषकांचे अनावरण

बेळगाव : बेळगाव जिल्हा शरीरसौष्ठव संघटना व मॉडर्न जिम आयोजित जिल्हास्तरीय टॉप-10 शरीरसौष्ठव स्पर्धा त्याच प्रमाणे मिस मॉडर्न व मि. मॉर्डन जिल्हास्तरीय  पारंपरिक व सांस्कृतिक फॅशन स्पर्धांचे शनिवार दि. 22 फेब्रुवारी रोजी मराठी मंडळ, चव्हाट गल्ली येथे होणार असून या स्पर्धेच्या चषकांचे अनावरण करण्यात आले. मॉडर्न जिमच्या सभागृहात चषकाच्या अनावरण प्रसंगी प्रमुख पाहुणे म्हणून एशियन पंच अजित सिद्दन्नावर, किरण कावळे, क्रितेश कावळे, उद्योजक गजानन काविलकर, संकेत यादव, संदीप बडवान्नाचे, आकाश कांबळे, सदानंद बडवान्नाचे आदी मान्यवरांच्या हस्ते चषकाचे अनावरण करण्यात आले. मॉडर्न टॉप-10 स्पर्धेतील विजेत्यांना अनुक्रमे 10000, 8000, 6000, 5000, 4000, 3000, 2000, 2000, 1000, 1000 अशी रोख रक्केम, चषक, प्रमाणपत्र देवून गौरविण्यात येणार आहे. तर उत्कृष्ट पोझरसाठी 2000 रुपे रोख, चषक, प्रमाणपत्र देवून गौरविण्यात येणार आहे. इच्छुक स्पर्धकांनी अजित सिद्दन्नावर, क्रितेश कावळे, सुनील राऊत यांच्याशी संपर्क साधण्याचे आवाहन करण्यात आले.