वेंगुर्ले (प्रतिनिधी) –
महाराष्ट्र राज्य मार्ग परिवहन महामंडळ रा.प. सिंधुदुर्ग परिवहन विभागामार्फत सोमवार दि. 10 फेब्रुवारी रोजी राज्य परिवहन महामंडळाच्या वेंगुर्ला आगारात “प्रवासी राजा दिन” सकाळी 10 ते दुपारी 2 वाजेपर्यंत तर “कामगार पालक दिन” दुपारी 3 ते 5 यावेळेत साजरा करण्यात येणार आहे. वेंगुर्ले तालुक्यातील प्रवासी बांधव-भगिनींनी या प्रवासी दिन कार्यक्रमास वेंगुर्ले बस स्थानक येथे उपस्थित रहावे असे आवाहन वेंगुर्ले आगार व्यवस्थापक राहुल कुंभार यांनी केले आहे.
