बेळगाव : डॉ. रवी पाटील हेल्थ इन्स्टिट्यूटतर्फे वैद्यकीय शिक्षण घेणाऱ्या विद्यार्थ्यांना नोकरीची संधी उपलब्ध करून देण्यात आली आहे. 6 ते 8 फेब्रुवारीदरम्यान कॅम्पस मुलाखती आयोजित करण्यात आल्या आहेत. जर्मनी येथील नामांकित रुग्णालयांचे संचालक व त्यांचे सीईओ यावेळी उपस्थित राहणार आहेत. विजया हॉस्पिटलचे डॉ. रवी पाटील यांनी जर्मनीतील रुग्णालयांसोबत करार केल्याने फार्मसी, बी फार्म, नर्सिंग, फिजिओथेरपी आणि आरोग्य अभ्यासक्रम करणाऱ्या विद्यार्थ्यांना नोकरीची संधी मिळाली आहे. जर्मनी येथील एडब्ल्यूओ ओबर अँड मिलेट फ्रँकेनचे वुलरिच थेरेसियाविस, एडब्ल्यूओ केव्हीनर्नबर्गचे इशा नोयेनवेटर, मेडियाटोसचे लुकास फर्निनांड, अँडरिक रोलँड कार्लटन जॉन, राहेलशॉन, मॅक्सी मिलियन जॉन हे सर्व रवी पाटील हॉस्पिटलला भेट देऊन मुलाखती घेणार आहेत. सर्वोत्तम विद्यार्थ्यांना त्यांच्या शैक्षणिक पात्रतेनुसार नोकरीची संधी दिली जाणार आहे. या विद्यार्थ्यांना दरमहा चार लाख रुपये वेतन दिले जाणार आहे. विद्यार्थ्यांना आंतरराष्ट्रीय स्तरावर आरोग्य सेवा करता यावी यासाठी विजया हॉस्पिटलने हे पाऊल उचलले आहे. या उपक्रमामुळे बेळगाव परिसरातील अनेक विद्यार्थ्यांना परदेशी नोकरी करण्याची संधी उपलब्ध होणार आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
