शरीरसौष्ठवपटू राजकुमार बोकडे यांचा सन्मान

बेळगाव : टिळकवाडी येथील समर्थ व्यायाम शाळेतर्फे शरीरसौष्ठवपटू राजकुमार बोकडे यांचा शरीरसौष्ठव कारकीर्दीला 50 वर्षे पूर्ण झाल्यानिमित्त प्रजासत्ताक दिनाचे औचित्य साधून सत्कार करण्यात आला. राजकुमार बोकडे यांचा अॅड. एस. बी. शेख यांच्या हस्ते चांदीचे कडे, स्मृतिचिन्ह, शाल, पुष्पहार व श्रीफळ देवून सन्मान करण्यात आला. बोकडे यांची मार्च महिन्यात छत्तीसगड येथे होणाऱ्या 60 वर्षे वयोगटातील राष्ट्रीय स्पर्धेसाठी निवड झाली आहे. बोकडे हे अमॅच्युअर शरीरसौष्ठव असोसिएशनचे राष्ट्रीय पंच म्हणूनही काम पाहतात. त्यांनी याआधी बेळगाव किशोर, खानापूर श्री, शिवशक्ती श्री, बेळगाव मस्कूलर मेन, बेळगाव कुमार अशा स्पर्धेतील किताब विजेते आहेत. बोकडे यांच्या सन्मानप्रसंगी नारायण पै, राजू आजगावकर, सचिन धामणेकर, माजी नगरसेवक विनायक गुंजटकर, किरण कावळे, शिवाजी माने, प्रवीण खरडे, सतीश बिर्जे, राजू मरवे, शिवाजी नेसरकर, श्रीकांत देशपांडे, सुबोध मिटीगार, पीएसआय चिन्नास्वामी, अजय चौगुले, युवराज गवळी, सतीश रेलेकर, रणजीत पाटील, सूरजित गवळी, विलास गोवेकर, भावेश ताशीलदार, परशुराम मैत्री, अजित हंगिरगेकर, इरफान चाबुकवाला, अमित हलगेकर, मनोज गवळी, मनोज बडीगेर, आकाश राव, राहुल गोडसे आदी उपस्थित होते.