बेळगाव : धावत्या कारने पेट घेतल्याची घटना सोमवार दि. 27 रोजी दुपारी झाडशहापूर गावानजीकच्या सेवारस्त्यावर घडली. प्रसंगावधान राखत कारमधील प्रवाशी खाली उतरल्याने मोठी दुर्घटना टळली. मात्र, भररस्त्यावर लोकांना बर्निंग कारचा थरार पहावयास मिळाला. अक्षय पाटील रा. हिंडलगा हे आपल्या कुटुंबीयांसह सोमवारी सकाळी बेळगावहून खानापूरच्या दिशेने निघाले होते. सेवारस्त्यावरून जात असताना झाडशहापूरजवळ धावत्या कारने अचानक पेट घेतला. त्यामुळे कारमधील सर्वजण खाली उतरले. बघताबघता आगीने रौद्ररूप धारण केल्याने कारला वेढा घातला. या घटनेची माहिती अग्निशमन दलाला दिली. अग्निशमन दलाच्या जवानांनी घटनास्थळी धाव घेऊन पाण्याचा मारा करत आग आटोक्यात आणली. मात्र, तोपर्यंत कार संपूर्णपणे आगीच्या भक्ष्यस्थानी पडली. याप्रकरणी पोलीस ठाण्यात नोंद न झाल्याने अधिक माहिती समजू शकली नाही.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
