रत्नागिरी जिह्याच्या पालकमंत्रिपदी उदय सामंत: बीडसह पुण्याची जबाबदारी अजित दादांकडे
प्रतिनिधी / मुंबई
महायुती सरकार अस्तित्वात आल्यानंतर प्रतीक्षा होती ती 26 जानेवारीला जिह्यात झेंडा फडकवण्याचा मान कोणाला मिळणार. परंतु ही चर्चा असतानाच, अखेर ही प्रतीक्षा संपली असून शनिवारी रात्री राज्यातील प्रत्येक जिल्ह्याच्या पालकमंत्र्यांच्या पदाची घोषणा करण्यात आली आहे. सिंधुदुर्ग जिल्ह्याचे पालकमंत्री म्हणून नीतेश राणे यांची तर रत्नागिरी जिह्याच्या पालकमंत्रिपदी उदय सामंत यांची नियुक्ती झाली आहे.
यामध्ये मुख्यमंत्री देवेंद्र फडणवीस हे गडचिरोलीचे पालकमंत्री असणार आहेत. उपमुख्यमंत्री अजित पवार हे आता दोन जिह्यांचे पालकमंत्री राहणार असून अजितदादा पुणे आणि बीडचे पालकमंत्री असणार आहेत. धनंजय मुंडे यांना यादीतून वगळण्यात आले आहे. उपमुख्यमंत्री एकनाथ शिंदे यांच्याकडे मुंबई शहर आणि ठाण्याचे पालकमंत्रिपद देण्यात आले आहे. पंकजा मुंडे यांच्याकडे जालन्याचे पालकमंत्रिपद देण्यात आले आहे. गुलाबराव पाटील हे जळगावचे पालकमंत्री असणार आहेत.
साताऱ्यात पुन्हा शंभूराज देसाई
साताऱ्यात पुन्हा शंभूराज देसाई साताऱ्यात चार कॅबिनेट मंत्री कधी नव्हे ते मंत्रिमंडळात आल्याने ,साताऱ्याचे पालकमंत्री कोणाकडे जाणार याची उत्सुकता असताना अखेर पुन्हा एकदा शिंदे गटाचे नेते आणि उपमुख्यमंत्री एकनाथ शिंदे यांचे खास मानले जाणारे शंभूराज देसाई यांच्याकडे साताऱ्याचे पालकमंत्री पद आले आहे. तर जिह्यातील जयकुमार गोरे यांच्याकडे सोलापूर, शिवेंद्रराजे भोसले यांच्याकडे लातूर आणि मकरंद पाटील यांच्याकडे बुलढाणा जिह्याचे पालकमंत्री देण्यात आले आहे.
रायगड पुन्हा आदिती तटकरे यांच्याकडे
रायगडच्या पालकमंत्री पदी पुन्हा आदिती तटकरे रायगड जिह्यातून शिवसेना शिंदे गटातून भरत गोगावले यांची मंत्रिमंडळात वर्णी लागली असली तरी ,पुन्हा एकदा रायगडच्या पालकमंत्रीपद आदिती तटकरे यांच्याकडे गेले आहे.
कोकणातील तीन जिह्यात तीन पक्ष
कोकणातील रायगड, रत्नागिरी आणि सिंधुदुर्ग जिह्याचा विचार करता, तीन पक्षांकडे तीन पालकमंत्री पद देण्यात आले आहे .रायगड राष्ट्रवादी अजित पवार गटाच्या आदिती तटकरे यांच्याकडे, रत्नागिरी शिवसेना शिंदे गटाच्या उदय सामंत यांच्याकडे तर सिंधुदुर्ग भाजपच्या नीतेश राणे यांच्याकडे पालकमंत्री पद देण्यात आले आहे.
कोणत्या जिल्ह्याचे कोण पालकमंत्री?
?गडचिरोली – देवेंद्र फडणवीस
?नागपूर – चंद्रशेखर बावनकुळ
?ठाणे – एकनाथ शिंद
?पुणे – अजित पवार
?बीड – अजित पवार
?सिंधुदुर्ग- नितेश राणे
?अमरावती – चंद्रशेखर बावनकुळे
?अहिल्यानगर – राधाकृष्ण विखे पाटील
?वाशिम – हसन मुश्रीफ
?सांगली – चंद्रकांत पाटील
?सातारा -शंभुराजे देसाई
?छत्रपती संभाजी नगर – संजय शिरसाट
?जळगाव – गुलाबराव पाटील
?यवतमाळ – संजय राठोड
?कोल्हापूर – प्रकाश आबिटकर, सह ?पालकमंत्री माधुरी मिसाळ
?अकोला – आकाश फुंडकर
?भंडारा – संजय सावकारे
?बुलढाणा – मंकरंद जाधव
?चंद्रपूर – अशोक ऊईके
?धाराशीव – प्रताप सरनाईव
?धुळे – जयकुमार रावळ
?गोंदिया – बाबासाहेब पाटील
?हिंगोली – नरहरी झिरवळ
?लातूर – शिवेंद्रसिंग भोसले
?मुंबई शहर – एकनाथ शिंदे
?मुंबई उपनगर -आशिष शेलार/
सह पालकमंत्री मंगलप्रभात लोढा
?नांदेड – अतुल सावे
?नंदुरबार – माणिकराव कोकाटे
?नाशिक – गिरीश महाजन
?पालघर – गणेश नाईक
?परभणी – मेघना बोर्डीकर
?रायगड – अदिती तटकरे
?सिंधुदुर्ग- नितेश राणे
?रत्नागिरी – उदय सामंत
?सोलापूर – जयकुमार गोरे
?वर्धा – पंकज भोयर
?जालना – पंकजा मुंडे
