बेळगाव : बेळगाव जिल्हा प्राथमिक शिक्षण समितीच्या टिळकवाडी येथील मराठी टीचर्स ट्रेनिंग कॉलेजचा वार्षिक क्रीडामहोत्सव उत्साहात साजरा झाला. प्रमुख पाहुण्या म्हणून संस्थेच्या सदस्या यशश्री देशपांडे उपस्थित होत्या. प्रारंभी बीएड् विद्यार्थिनींनी प्रार्थना सादर केली. द्वितीय वर्षाच्या विद्यार्थिनींनी स्वागतगीत सादर केले. प्राचार्य एम. बी. हुंदरे यांनी प्रास्ताविक करून पाहुण्यांची ओळख करून दिली. यानंतर क्रीडाज्योत प्रज्वलित करण्यात आली. यावेळी प्रमुख पाहुण्या म्हणाल्या, तुम्ही सर्वजण प्राथमिक शिक्षक होणार आहात. तुमच्या हातात भावी पिढी घडवण्याचे काम आहे. मात्र, त्याचबरोबर व्यायामाचे महत्त्वही तुम्ही पटवून दिले पाहिजे. या क्रीडामहोत्सवामध्ये रिले, थ्रोबॉल, कबड्डी, गोळाफेक, लिंबूचमचा, लांब उडी आदी स्पर्धा घेण्यात आल्या. कार्यक्रमाचे सूत्रसंचालन एस. एन. गोल्याळकर यांनी केले. दीपिका गडकरी यांनी आभार मानले. स्पर्धेसाठी प्राचार्य व क्रीडाशिक्षक के. ए. हगिदळे यांनी परिश्रम घेतले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
