बेळगाव : रेशनकार्डमध्ये नवीन नाव दाखल करण्यासह दुरुस्तीचे काम केले जात असल्याने अनेक दिवसांपासून प्रतीक्षेत असलेल्या लोकांकडून सायबर केंद्रातून ऑनलाईन अर्ज दाखले केले जात आहेत. दुरुस्ती झालेल्या रेशनकार्डांची प्रत मिळविण्यासाठी तहसीलदार कार्यालयातील अन्न व नागरी पुरवठा विभागात नागरिकांची गर्दी होत आहे. गेल्या अनेक वर्षांपासून नवीन रेशनकार्डचे वितरण सरकारकडून स्थगित करण्यात आले आहे. त्यामुळे बहुतांश नागरिक नवीन रेशनकार्ड करून घेण्याच्या प्रतीक्षेत आहेत. पण बोगस रेशनकार्डे रद्द केली जात असल्याने नवीन रेशनकार्डांचे वितरण स्थगित ठेवण्यात आले आहे. अधूनमधून जुन्या रेशनकार्डमध्ये नवीन सदस्यांचे नाव दाखल करणे, रेशन दुकान बदलणे किंवा एखादे नाव कमी करण्याची प्रक्रिया सुरू आहे. यासाठी काही कालावधीपुरता सर्व्हर सुरू केले जात आहे. अलीकडेच पुन्हा सर्व्हर सुरू केल्याने रेशनकार्डमध्ये नवीन नाव दाखल करण्यासह दुरुस्तीसाठी ऑनलाईन केंद्रांतून अर्ज दाखल केले जात आहेत. अर्जाला मंजुरी मिळाल्यानंतर रेशनकार्डची दुसरी प्रत मिळविण्यासाठी तहसीलदार कार्यालयातील अन्न व नागरी पुरवठा विभागात गर्दी होत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
