बेळगाव : बसवण कुडची येथील प्लॉट नं. 15 मधील ओव्हरहेड टँक नादुरुस्त झाला असून तो केव्हाही कोसळण्याच्या मार्गावर आहे. त्यामुळे धोकादायक ओव्हरहेड टँक तातडीने हटविण्यात यावा, अशा मागणीचे निवेदन अडिवेप्पा हुलमनी यांनी मनपा आयुक्त आणि जिल्हाधिकाऱ्यांना सोमवार दि. 13 रोजी दिले. महापालिकेच्या प्रभाग क्र. 48 मधील बसवण कुडची येथे सुमारे 23 वर्षांपूर्वी ओव्हरहेड टँक उभारण्यात आला आहे. त्याची उंची 40 फूट असून टँकमधून पाण्याची गळती लागल्याने सदर टँक नादुरुस्त बनला आहे. या टँकच्या आवारात लोकांचा वावर असून बाजूला अडिवेप्पा यांचे घरदेखील आहे. त्यामुळे सदर टँक केव्हाही कोसळण्याच्या स्थितीत असल्याने धोकादायक टँक हटविण्यात यावा, अशी मागणी निवेदनात करण्यात आली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
