सिद्धांत वर्मा, प्रियांका पाटील, गीता वरपे यांची उपस्थिती
बेळगाव : अनगोळ येथील येथील संत मीरा शाळेच्या प्राथमिक विभागाच्या क्रीडा स्पर्धेला मोठ्या उत्साहात प्रारंभ झाला. स्पर्धेच्या उद्घाटनाला प्रमुख पाहुणे म्हणून शाळेचे माजी राष्ट्रीय हँडबॉल खेळाडू सिद्धांत वर्मा, राष्ट्रीय फुटबॉल खेळाडू प्रियांका पाटील, गीता वरपे, चंद्रकांत तुर्केवाडी उपस्थित होते. प्रारंभी पाहुण्यांच्या हस्ते क्रीडाध्वजारोहण करण्यात आले. यानंतर शालेय खेळाडू प्रणिती बडबंजी, पूर्वी बडबंजी, आरोही देसाई, ईश्वरी कुलकर्णी, अद्विता दळवी, आदिती सुरतेकर, कृतिका हिरेमठ, कनिष्का हिरेमठ यांनी क्रीडाज्योत मैदानाभोवती फिरवून पाहुण्यांच्याकडे सुपूर्द केली. राष्ट्रीय हँडबॉल खेळाडू आरोही देसाईने खेळाडूंना शपथ देवविली. पाहुण्यांचा परिचय अनुष्का बोकमुरकरने करुन दिला. यानंतर सिद्धांत वर्मा व प्रियांका पाटील यांनी आपल्या शालेय जीवनातील खेळाचे महत्व व खेळाडूंनी अभ्यासाबरोबर खेळामध्ये प्राविण्य दाखविल्यास यश संपादन करता येते, याचे महत्त्व सांगितले. क्रीडाशिक्षक सी.आर. पाटील व शिवकुमार सुतार यांच्या मार्गदर्शनाखाली स्पर्धां प्रारंभ झाल्या. यावेळी शालेय शिक्षिका सरोजिनी कटगेरी, अचल हूद्दार, माया निलजकर, विना जोशी, अऊणा पुरोहित आदी मान्यवर उपस्थित होते.
