प्रतिनिधी : सिंधुदुर्गनगरी
ओरोस गावची ग्रामदेवता श्री देव रवळनाथचा वार्षिक जत्रोत्सव गुरुवार दिनांक १९ डिसेंबर २०२४ रोजी होणार आहे. यानिमित्त विविध धार्मिक कार्यक्रमांचे आयोजन करण्यात आले आहे. सकाळी श्री देव रवळनाथाची विधीवत पूजा, आरती, ओटी भरणे, नवस बोलणे, फेडणे व अखंड दर्शन सोहळा, रात्री ११ वाजता तरंगांसह पालखी प्रदक्षिणा, त्यानंतर वालावलकर दशावतारी नाट्य मंडळाचे नाटक होणार आहे. २० रोजी सकाळी ७ वाजता दहीकाला व २१ रोजी दुपारी १ वा. समाराधना (महाप्रसाद) चे आयोजन करण्यात आलेले आहे, तरी या जत्रोत्सव कार्यक्रमात भाविकांनी लाभ घ्यावा, असे आवाहन ओरोस ग्रामस्थ व श्री देव रवळनाथ देवस्थान , स्थानिक सल्लागार उपसमितीने केले आहे.
