कायदा हातात घेतल्याने लाठीचार्ज

बेळगाव : पंचमसाली लिंगायत समुदायाने मागासवर्गीयांच्या प्रवर्ग 2ए मध्ये समाविष्ट करण्याच्या मागणीसाठी मंगळवार दि. 11 रोजी सुवर्णसौधसमोर आंदोलन केले. कुडलसंगमचे बसवजयमृत्युंजय स्वामी यांच्या नेतृत्वात झालेले हे आंदोलन सरकार आणि पोलीस खात्याने अत्यंत जबाबदारीने हाताळले आहे. आंदोलकांवर अन्याय झाला नाही, असे स्पष्टीकरण गृहमंत्री डॉ. जी. परमेश्वर यांनी दिले. गुऊवार दि. 12 रोजी विधानपरिषदेमध्ये शून्य तासाला गृहमंत्र्यांनी मंगळवारी झालेल्या आंदोलनावर भाष्य केले. आंदोलनकर्त्यांनी कायदा आणि सुव्यवस्थेला बाधा आणण्याचा प्रयत्न केला. सुवर्णसौधला घेराव घालण्याचा प्रयत्न केला. आंदोलकांनी कायदा हातात घेतल्याने पोलिसानी आंदोलकांवर सौम्यसा लाठीप्रहार केला, असे सांगितले.