सेन्सेक्स 809 तर निफ्टी 240 अंकांनी तेजीत : सलग पाचव्या दिवशी बाजारात उत्साह
वृत्तसंस्था/मुंबई
चालू आठवड्यातील गुरुवारच्या सत्रात जागतिक बाजारांमधील मजबूत संकेतामुळे आणि विदेशी फंडमधील गुंतवणुकीमुळे चौफेर खरेदीमुळे भारतीय शेअर बाजारात सलग पाचव्या दिवशी तेजीची नोंद करण्यात आली. यामध्ये आयटी क्षेत्रामधील कंपन्यांच्या समभागांमध्ये जोरदार तेजीची नोंद करण्यात आली. या कामगिरीमुळे सेन्सेक्स आणि निफ्टीत जवळपास 1 टक्क्यांची वाढ झाली आहे. बीएसई सेन्सेक्सने गुरुवारी 226.41 अंकांची तेजी प्राप्त करत आपला प्रारंभ केला, ट्रेडिंगच्या दरम्यान सेन्सेक्स दिवसअखेर 809.53 अंकांनी मजबूत होत निर्देशांक 81,765.86 वर बंद झाला. दुसऱ्या बाजूला राष्ट्रीय शेअर बाजाराचा निफ्टी हा दिवसअखेर 240.95 अंकांनी भक्कम होत निर्देशांक 24,708.40 वर बंद झाला आहे.
मुख्य कंपन्यांच्या मदतीने बीएसई सेन्सेक्समधील 30 समभागांपैकी 27 समभाग वधारले आहेत. यावेळी टीसीएस, इन्फोसिस, टायटन, भारती एअरटेल आणि बजाज फायनान्स यांचे समभाग पहिल्या पाचमध्ये मजबूत होत बंद झाले. अन्य कंपन्यांमध्ये आयसीआयसीआय बँक, टेक महिंद्रा, अल्ट्राटेक सिमेंट, हिंदुस्थान युनिलिव्हर, पॉवरग्रिड, महिंद्रा अॅण्ड महिंद्रा, कोटक बँक, बजाज फिनसर्व्ह, रिलायन्स इंडस्ट्रीज, टाटा स्टील, लार्सन अॅण्ड टुब्रो, अॅक्सिस बँक, स्टेट बँक, टाटा मोटर्स, सनफार्मा, अदानी पोर्टस, मारुती सुझुकी, जेएसडब्ल्यू स्टील, नेस्ले इंडिया, एचडीएफसी बँक आणि आयटीसी यांचे समभाग नफा कमाईसह बंद झाले. दुसऱ्या बाजूला सेन्सेक्समधील 30 समभागांमधील 3 समभाग हे नुकसानीत राहिले आहेत. एनटीपीसी 0.98, एशियन पेन्ट्स 0.30 आणि इंडइसइंड बँक यांचे समभाग हे 0.10 टक्क्यांनी घसरणीत राहिले आहेत.
निफ्टी आयटी निर्देशांकाची धमाल
भारतीय शेअर बाजारात गुरुवारी चौफेर विक्रीचा मारा राहिल्याने सर्वत्र तेजीचा माहोल राहिला होता. निफ्टीमधील 50 पैकी 41 समभाग वधारुन बंद झाले. तर फक्त 9 समभाग नुकसानीत राहिले होते. निफ्टी आयटी निर्देशांकाने धमाल केली असून जवळपास 1.95 टक्क्यांची तेजी नेंदवली आहे. यावेळी टीसीएस, इन्फोसिस आणि एलटीआय माइंडट्री यांचे योगदान मुख्य राहिले. या निर्देशांकामध्ये इंट्राडे ट्रेडच्या दरम्यान 45,027.95 चा नवा 52 वा आठवड्यातील विक्रम प्राप्त केला. निफ्टी पीएसयू बँक आणि रियल्टी निर्देशांक वगळता अन्य क्षेत्रांचे निर्देशांक तेजीसह बंद झाले.
समभाग वधारलेल्या कंपन्या
- टीसीएस 4559
- इन्फोसिस 1934
- टायटन 3437
- भारती एअरटेल 1615
- बजाज फायनान्स 6845
- आयसीआयसीआय 1336
- टेक महिंद्रा 1786
- अल्ट्राटेक सिमेंट 11922
- एचसीएल टेक 1920
- हिंदुस्थान युनि 2492
- पॉवरग्रिड कॉर्प 328
- महिंद्रा अॅण्ड महिंद्रा 3062
- कोटक महिंद्रा 1775
- बजाज फिनसर्व्ह 1644
- रिलायन्स इंडस्ट्रीज 1321
- टाटा स्टील 147
- लार्सन अॅण्ड टुब्रो 3830
- अॅक्सिस बँक 1167
- स्टेट बँक 864
- टाटा मोटर्स 792
- सनफार्मा 1809
- अदानी पोर्ट 1275
- मारुती सुझुकी 11180
- जेएसडब्लू स्टील 998
- नेस्ले 2261
- एचडीएफसी बँक 1863
- आयटीसी 467
- बीपीसीएल 297
- पॉवरग्रिड कॉर्प 328
- अंबुजा सिमेंट 570
- हिंडाल्को 669
- वेदन्ता 472
समभाग घसरलेल्या कंपन्या
- एनटीपीसी 369
- एशियन पेन्ट्स 2452
- इंडसइंड बँक 997
- डिव्हीस लॅब 6096
- कमिन्स 3458
- एसबीआय लाईफ 1433
- बजाज ऑटो 8903
- पीआय इंडस्ट्रीज 4137
- अशोक लेलँड 232
