बेळगाव : महापालिकेतील जन्म आणि मृत्यू दाखले वितरण विभागाला सर्व्हर डाऊनचे ग्रहण लागले आहे. गेल्या पंधरा दिवसांपासून सातत्याने सर्व्हर समस्या उद्भवत असल्याने नागरिकांना तासनतास ताटकळत थांबण्यासह दाखले मिळविण्यासाठी महापालिकेच्या चकरा मारण्याची वेळ आली आहे. जन्म आणि मृत्यू दाखले मिळविण्यासाठी महानगरपालिकेच्या आरोग्य खात्याकडे दररोज शेकडो अर्ज येत असतात. मात्र, ही सर्व प्रक्रिया ऑनलाईन असल्याने आरोग्य अधिकारी डॉ. संजीव नांद्रे यांची डिजिटल स्वाक्षरी झाल्यानंतर जन्म मृत्यू दाखल्यांचे वितरण केले जाते. मात्र, गेल्या पंधरा दिवसांपासून दाखले वितरण विभागाला सर्व्हर डाऊनचे ग्रहण लागले आहे. सातत्याने सर्व्हर समस्या निर्माण होत असल्याने दाखले वितरण करण्यात अडथळा निर्माण होत असल्याने नागरिकांना ताटकळत थांबावे लागत आहे. अर्ज केलेल्यांना दाखले मिळविण्यासाठी महापालिकेच्या घिरट्या मारण्याची वेळ आली असल्याने नागरिकांतून तीव्र नाराजी व्यक्त केली जात आहे. त्यामुळे सर्व्हर समस्या दूर करावी, अशी मागणी केली जात आहे. याबाबत महापालिका आरोग्याधिकारी डॉ. संजीव नांद्रे यांच्याकडे विचारणा केली असता त्यांनी सर्व्हर समस्या निर्माण होत असल्याने जन्म-मृत्यू दाखले वितरणात अडचण निर्माण होत असल्याचे सांगितले. जिल्हा ऊग्णालयात जन्म व मृत्यू झालेल्यांना त्या ठिकाणी दाखले दिले जातात. मात्र, शहरातील इतर ऊग्णालयात जन्म व मृत्यू झालेल्यांना महानगरपालिकेमध्ये दाखले दिले जातात. त्यामुळे दररोज येथे लोकांची गर्दी असते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
